المقدمة
Super Monkey Ball Banana Mania هي لعبة منصات وهذا الاصدار بتحديد يعتبر نسخه احتفالية 20 عام على انطلاقالسلسلة وتحمل معها ريميك لجميع واهم مراحل اجزاء السلسلة السابقه بمكانيكيه افضل ورسومات افضل بكثير ، وفي هذي المراجعه راحافصل لكم كل شي يخص هذي لعبة وهذي نسخه بالتحديد
في البداية بتكلم عن القصه ، طبعا هاللعبة لاتتوقع بتشوف قصه تدرس لا بالعكس القصه جدا جدا بسيطه عباره عن عرض تلفزيونييطلعون فيه شخصيات اللعبة و الشرير الرئيسي ، وبنفس الوقت ابطالنا الشخصيات الرئيسيه يتفرجون على هذا العرض وكل مايصير شيبسبب الشرير يتوقف المشهد ويبلش لعبك للعوالم وعدد عوالم بالقصه هم 10 عوالم وكل عالم له ١٠ مراحل بين كل عالم وعالم يكون فيه مشهدمماثل لمشهد البدايه ، القصه جدا بسيطه وتركيز فيها جدا بسيط بعكس تركيز على مراحل نفسها الي بالقصه الي فيها متعة وصعوبه ،بعضها كانت ممتعه وبعضها كان مبالغ فيها ، بتكلم اكثر عنها بنقطه طريقة اللعب والمتعه
طريقة اللعب و الاطوار الموجوده
اللعبة منصات لكن مختلفه عن باقي العاب المنصات المتعارف عليها ، فكره اللعبة انك تلعب بشخصيه monkey ويكون داخل كرة وحركهماهي حركة الشخصيه Monkey بتحديد ،، الحركه تكون عن طريق تحريك المرحله بالكامل ، طبعا اللاعبين السابقين بيعرفون هذا النظامويعرفون انه نظام اللعبة ممتع وبنفس الوقت صعب وفيه تحدي كبير خصوصا بمراحل المقدمه تكون صعبه جدا من ناحيه حركه البلاتفورمفيها او تحركات الفوز وغيره ، ممكن بعض الاعبين ماتعجبهم اللعبة وفكرتها بالبدايه بس مع الوقت بيتعودون عليها خصوصا الي يفضلونالعاب البلاتفورم بشكل كبير
الاطوار باللعبة تتقسم لاكثر من قسم
القسم الاول وهو Main Game
يتكون من 6 اشياء
- رقم 1 – طور القصة : القصه وعدد العوالم الي هم عشره الي ذكرتها في البداية يوم تكلمت عن القصه ، الستوري مود كان ممتع بس كانفيه مراحل احس ماكانت مفروض تكون موجوده فيه خصوصا مراحل متقدمه الي كانت جدا صعبه اشوف لو كان مكانها في تشالنج مودافضل ، بس بهذي النسخه الحلو فيها انه حاطين لك خيار تفعيل المساعده ، الخيار هذي اذا فعلته يزيد عندك الوقت + يمديك تسوي سلوموشن وانت تلعب + فيه اسهم توريك الطريق الي انت فيه الى طريق النهايه ، وايضا في خيار ثاني انك تقدر تخطر مرحله كامله بس لازمتدفع 2000 كوين ، قطع الكوين هذي تجمعهم من انهاء بعض المهام باللعبة مثل انهاء مرحله وهكذا ، بتكلم عنها اكثر يوم اوصل لها انشاءالله
- رقم 2 + 3 – طور التحدي : فيه صعوبات مختلفه من السهل الى صعب ومعاها تحديات ومراحل اكثر غير عن القصه وكل صعوبه لها عددمعين من صعوبات مثل السهل ١٣ مرحله ونورمل ٣٥ مرحله وصعب ٦٠ مرحله وغيره ، اشوفه طور ممتع جدا ويزيد للعبة عمر ومحتوى
- رقم 4+5 – طور بأسم practice mode هذا طور شخصيا احسه مجرد تكمله عدد و مثل فكره تشالنج مود تقريبا
- واخر طور الي هو السبيشل مود ، هذا طور عباره عن مراحل سبيشل وتحديات وكان ممتع ، مع انه اغلب الاطوار كان تفتحها من عمله اللعبةاحس لو كانو مخلينها موجوده كان افضل
القسم الثاني من اللعبة الي هو ال party Games
ما اخفى عليكم انه هذا الطور كان جدا ممتع بشكل كبييير وشخصيا قعدت فيه لساعات وطور يكون فيه مجموعه من ميني جيمز سواءسباق الشخصيات عن طريق الركض بمثل فكره العاب سباقات مثل ماريو كارت او كراش تيم ريسينق وغيرهم او رياضه التنس او كرة القدماو بولينق او شوتر او سباق ال boat وغيرهم الكثير ماودي اذكرهم كلهم عشان ماحرق و ودي تستكشفونهم بنفسكم وعدد الميني جيمز هم12 مختلفين عن بعض وطبعا طريقه اللعب تختلف تماما عن الاطوار الي ذكرتها بالسابق ، طريقه اللعب فيه تكون مثل اي لعبه انت تتحكمبشخصيه ماتتحكم بالمرحله نفسها طور جدا ممتعه ويعطي عمر وادمان للعبة بشكل اكبر
القسم الثالث هو ال Ranking Challenge:
وهو عباره عن كسر الرقم القياسي لإنهاء المراحل طور ممتع وله تحديه الخاص وزياده لعمرمحتوى اللعبة الكبير
القسم الرابع وهو ال costumes:
هذا قسم يمديك تلبس فيه شخصيات اللعبة الاساسيه وملابس تاخذهم من متجر الي موجود باللعبة عنطريق العملات المخصصه باللعبة الي تحصلها عن طريق مهام وتحديات معينه
القسم الخامس:
اهو قسم المهام ، وهذا القسم الي ذكرته من شوي يعطيك مهام تتفعل تلقائيا بس تخلص المهمه المعينه بتتبطل وتكسب عددمن العملات وهذي العملات تقدر تشتري فيها ملابس لشخصيات او فتح الاطوار الجديده الي ذكرتها مسبقا او فتح شخصيات جديدهسواء من عالم اللعبة او خارجها مثل سونيك وكيريو من سلسله ياكوزا وغيرهم ، وهذا الشي الي فعلا يحمسك عشان تخلص تحديات اكثروتاخذ جوائز وشغلات اكثر ، ويخلي عندك محتوى كبير تستمتع فيه
القسم السادس:
وهو البوينت شوب ، هذا الشوب الي تشتري فيه جميع ماذكرته سابقا سواء ملابس شخصيات وغيره
القسم السابع وهو الاون لاين ، والاون لاين عباره عن تحدي مع الاشخاص سواء بمهام الاساسيه الي موجوده بالقصه او طور البارتي ،شخصيا ماجربت ولا اقدر احكم عليه لانه ماحصلت فيه لاعبين لان اللعبة مانزلت وقت المراجعه
هذي كانت الاقسام الاساسيه باللعبة
الرسومات :
طبعا مثل ماذكرت اللعبة ريميك لجميع مراحل الالعاب السابقة ، والفرق فقط بالنظر يبين لك الجوده والتعديل الكبير الي صار عليهم سواءمن تفاصيل العالم وشخصيات اللعبة او ميكانيكه المرحله نفسها صارت لي الافضل او غيره ، بكل امانه اشوف انه الفريق جدا ابدع بتطويرالمراحل لدرجه تحس انك تلعب لعبة جديده بالكامل شخصيا جدا عجبني تطور الي صار برسومات او حتى بطريقه اللعب الي تحسنت عنالسابق
الموسيقى :
طبعا الموسيقى كانت جيده جدا وتعطي طابع الحماس والمتعه وبكل عالم كان له موسيقته الخاصه ولي اشوفها كانت جدا مناسبه له طبعاغير موسيقى مراحل الميني جيمز والقائمه وغيرها الي كانو رائعين فعلا
سعر اللعبة ومحتواها :
سعر اللعبة 40 دولار وتملك محتوى كبير و متنوع سواء قصه او تحديات جانبيه او الميني جيمز الاكثر من رائع مع الكم الهائل من مراحلوتنوعها وصعوبتها وبالتحديد مراحل الهارد او المتقدمه ولاننسى طور الاون لاين الي اتوقع انه بيعطي عمر زياده للعبة خصوصا عندعشاقها شخصيا اشوف سعرها مناسب وانصح فيها للناس الي تحب الالعاب بهذا النظام ممكن البعض مايتقبله بس الي يحب العاببلاتفورم انصحه فيها وبشده خصوصا انه لعبة محتواها كبير وممتع
سلبيات اللعبة :
- بعض مراحل القصه ماحس كان لها لزوم واحسها مالها داعي وكانت صعوبتها مبالغ فيها لو كانت فقط في طور التشالنج وبصعوبه الهارداشوفه كان افضل
- بعض الاطوار الجديده تمنيت انه تفتح من غير ماشتريهم بعملات الي اجمعها من مهام وتحديات
- تصميم بعض مراحل كان مزعج
التقييم النهائي
المتعة - 8
طريقة اللعب - 7
الرسومات - 9
الموسيقى - 8
8
لعبة Super Monkey Ball Banana Mania الاحتفاليه الامثل لمرور الـ20 عام على السلسة اجمعت افضل المراحل في لعبة واحده معتنوع كبير وممتع بالمحتوى سواء بمهام القصه او في الاطوار الاخرى مثل طور Mini Games الممتع جدا او طور Challenge و Rank والاون لاين وغيرهم ، انصح فيها لعشاق الالعاب الاركيديه الكلاسيكيه وبتحديد عشاق سلسله سوبر مونكي بول وانصح فيها ايضا للاعبينالجدد اذا كانوا يريدون تجربة لعب جديدة ومختلفه عن بقيه الالعاب.
