مراجعة لعبة شبح تسوشيما

المقدمة

معلومات عامة

شبح تسوشيما حصريه اخرى لجهاز البلي ستيشن 4 وعلى الاغلب اخر حصريه لهذا الجهاز في هذا الجيل. العبه راح تصدر  تاريخ 17-7 اشكر شركة سوني لاتحتهم الفرصه لتجربة العبه وتغطيتها لكم. وللعلم العبه معربه ب الكامل من ترجمه وقوائم

القصة

العبه تتدور احداثها في جزيرة تسوشيما في فترة غزو المغول في سنة 1274. احداث الغزو حقيقيه ولكن الاحداث الي تصير ب العبه اهيا من واقع خيال الكاتب. جن سكاي افضل مقاتلين السامروي الناجين من اول يوم غزو المغول يقود رحله ومحاوله لطرد اخر جندي من المغول من اراضي تسوشيما. احداث القصه تتكلم عن الشرف واساس كود الساموري ودفاع عن شرف المواطنين وحمايتهم. اخراج العبه يبدي برتم بطيء وبناء احداث اقوى. الجميل ب العبه من ناحية القصه انها ملتزمه ب الثقافه اليابانيه بشكل جدا كبير وواضح. 

القيم بلي

على شان اتكلم عن نظام العب احتاج افصل فيه بشكل دقيق جدا ونقسمه على اجزاء راح اتكلم عن نظام المهمات, طريقة القتال, التخفي, الانشطه الجانبيه, تطوير الاسلحه والقدرات, مدة العبه.

نظام المهمات

المهمات ب العبه تنقسم الى مهمات رئيسه و المعروفه ب رحلة جن والي فيها القصه الاساسيه للعبه. وبعدها عندنا نظام المهمات الجانبيه والي كذلك ينقسم الى قسمين مهمات جانبيه لشخصيات اساسيه بالعبه وهذي تكون قصص مهمه في عالم تسوشيما المهمات هذي تكون مسلسله لشخصيه معينه مثل شخصية السنسي يبحث عن احد تلاميذه والي اختفى مع بداية الغدو. وتبدي تسوي معاه عدت مهمات لين تعرف مصير التلميذ. وغيرها من المهمات مع شخصيات رئيسيه ب القصه. وبعدها عندنا المهمات الجانبيه الي تكون عباره عن مهمه وحده بس مثل تحرير معسكر او انقاذ راهئن او حتى البحث عن شخص مفقود. واخر جزئيه عندنا هي المهمات الاسطوريه والي تعتبر مثل قصص اسطوريه من التراث الياباني في الجزيره والي تكون نهايته مرضيه مثل تعطيك سبشل اتاك او درع او حتى سلاح. المهمات صراحه تذكرت ب نظام البناء مالها ب لعبة ذا وتشر.

نظام القتال

القتال ب العبه في بدايته بتحس ان غريب وغير متقن ولكن مع تطور الشخصيه والتعود راح تحس بأن ممتاز ومقنع بنفس الوقت. نصيحه العب العبه من البدايه على اعلى صعوبه راح تحس بمتعه اكبر. طريقة القتال عندك المربع ضربات سريعه والمثلث ضربات البريك شيلد. وكذلك عندك زر ال 1 حق استخدام الباري واذا ضربته بتوقيت الصحيح راح تسوي البيرفكت باري والي تعطيك فرصه ب الكاونتر اتاك. راح تواجه انواع مختلفه من الاعداء في منهم الي يشيل السيف…الدرع.. الرمح.. القوس او حتى الاعداء ب احجام كبيره وكل واحد له طريقة ب القتال والانميشن. وعلى شان تواجه كل عدوا تحتاج تتعلم الستانس مثل ستانس الريح الماء الصخره او القمر. وكذلك في ستانس اضافي بس مما راح اقدر اتكلم عنه لان يعتبر حرق للقصه. بعد كل مهمه او تحرير معسكر راح تحصل على نقاط تقدر تصرفها على السكل التري والي تتكون من ثلاث الساموراي والستانس وكذلك الشبح. وكل وحده راح تعطيك ستايل لعب وصراحه انهيت العبه وانا عندي كل السانتس لان الحصول عليهم مجرد انك تقتل عدد معين من القاده وتحصلها. من القتلات المميزه او الديول المواجهه واحد ضد واحد راح يكون عباره عن نزال والعدوا يكون عنده طاقه خاصه فيه وتحس القتال سينمائي ومميز. كذلك عندك الستاند اوف والي اهوا مواجهة الاعداء واحد ضد واحد اذا كنت متخفي ووصلت الى مجموعة اعداء من غير ما يشوفونك. القتال بنسبه لي جدا مرضي ولما اتقنته صرت احب اواجه الاعداء ب ستايل الساموراي. من الاشياء المسانده الي تستخدمها ب القتال هو القنابل الدخانيه.. او القنابل الي تحذفها على الاعداء على شان تخليهم نوك داون او كذلك حتى الكوناي الشغلات هذيل صراحه كنت نادر استخدمهم والسبب اني استمتع ب القتال العادي وما احس انهم يساعدون بشكل كبير يمكن اكثر وحده تكون مرضيه اهيا القنبله الدخانيه الي لما تواجه اعداد كبيره ممكن تفكك من ازمات كثيره.

التخفي

هني تكون مشكلة العبه ب التخفي والسبب ان الذكاء الصناعي لما انت تتخفى يبين الضعف فيه حتى لو كنت على اعلى صعوبه. الاعداء حتى لو مريت يمهم غالبا ما يشوفونك.. التخفي مجرد انك تكون خلف العدو او على جنب تضغط مربع وتذبحه ب ذربه وحده او الاساسنيت.. والاعداء لما يشوفون ربعهم قاعد يطيح واحد ورا الثاني يبحثون عنك فتره معينه بعدين الامور ترجع على طبيعتها هذا الشي دايما تشوفه ب العاب الستلث الا القليل منهم الي يتقنه.. من الاشياء المساعده في التخفي هو استخدام السهم او القوس على شان تذبح الاعداء او استخدام ابر التسمم والي كذلك ب ضربه وحده تخلي العدو يموت. ممكن كذلك تستخذم الفاير كراكر على شان تخلي العدو يوخر عن المكان الي قاعد يحميه او تسوي له فخ وتذبحه.

الانشطه الجانبيه

بما انها لعبة عالم مفتوح اذا لابد من الانشطه الجانبيه, اثناء التنقل ب الخريطه والاستكشاف ممكن تمر عليك اماكن عليها علامات استفهام مثل لعبة ذا وتشر, تروح هذي الاماكن ممكن اشجار ساق البامبو وهو تحدي عبارة عن سلسلة ازرار تضغطها على شان تكمل هذا التحدي وبعد ما تكلمه راح يرفع قدرات الرزولف عندك والي راح تساعدك في القتال بضفط الزر تحت في اليده يزيد طاقتك او تستخدمها ب السبشل اتاك, او عندك ومر الذيب والي راح يدليك على مكان يزيد من امكانيتك تركيب الجارم والي راح اتلكم عنها مع الدروع والاسلحه, او عندك الشراين والي راح تعطيك الجارم. غير الاعداء الي راح يكونون في العالم وانت تمشي واهما ينقلون الاسرى وبعد تحرريهم راح يعطونك مهمات جانبيه. من الانشطه كذلك هو تحرير المعسكرات.

تطوير الاسلحه والدروع

بنسبه للاسحله جن سكاي يملك سلاح الكاتانا الخاص فيه وهذا والشي المحبط ب العبه ان جن ما يملك الا سلاح واحد طول فترة العبه.. وكذلك سلاح الساكي والي يستخدم ب التخفي. العبه تمتلك كيمة دروع ممتازه وكل واحد منهم يعطيك قدرات خاصه مثل درع السفر وانت تمشي بالخريطه يفتح مجال اكثر.. او درع يزيد طاقتك بشكل كبير.. من الاشياء كذلك الي ممكن تركبها على السلاح اهوا charmاهيا عباره عن بيركات تعطيك قدرات مثل زيادة الضربات ب 10% او تقليل الضرر على الاعب. تطوير السلاح او الدروع يتطلب منك تجميع موارد ومن الاشياء الي نزيده ب السلاح اهوا كمية الضرر ام الدروع ف مع كل تطويره راح تزيد جزء من القدرات الخاصه ب الدرع. شخصيا اشوف ان التطوير بيسك ومافي اي شي ملهم ب التصميم. بالاضافه ان الدروع فيها مشكله وهو ان لبس الدرع نفسه هو الي يأثر ولكن الخوذه و القناع ما يأثرون على القدرات ف الافضل لو كانو حطو لهم قدرات خاصه فيهم.

مدة العبه والتنقل والصعوبه

شخصيا خذت مني العبه قريب ال 50 ساعه على شان اخلصها والسبب ان استمتعت في العالم الخاص ب العبه وكل مره ابي اروح اسوي مهمات رئيسيه يشغلني العالم هذا ب الاشياء الجانبيه. لكن اذا انت شخص تبي تروح حق مهمات رئيسيه فقط ف العبه ممكن تخلص معاك ب 12 ساعه فقط. التنقل ب العبه شي ممتاز جدا والسبب ان كل مكان تروح له من معسكرات او الانشطه الجانبيه او المعابد تقدر تسوي لها فاست ترافل وهذا الشي وفر كثير من الوقت وممتاز. ام بنسبه لصعوبة العبه والي البعض يمكن من العروض شاف انها تشبه سكيرو احب اطمنك ان في اختيار ل مستوى الصعوبه ايزي/نورمل/وهارد وشخصيا لعبت العبه على الهارد كامله وما حسيت انها توصل نص صعوبة سكيرو..اتوقع المطورين بعدين راح. يضيفون صعوبه الاكستريم واذا صار هذا الشي ممكن اعيدها على هذي الصعوبه

الرسومات

الرسومات ب العبه اشوفها ممتازه صراحه العروض الخاصه ب العبه خصوصا State of Play ظلم العبه بشكل كبير من ناحية الرسومات اول مره اهتم بطور التصوير في لعبه من قبل وصورة كثير.. العبه فيها بعض المشاكل ب الهبوط ب الاطارات في اماكن تجمع الزرع ولكن ما راح تلاحظها بشكل كثير.. العبه في طورين طور التصوير القوي مع فريمات متغيره.. او طور الفريمات السريعه وشخصيا لعبتها على طور التصوير القوي.. المشكله ب التصوير ان بعض الاماكن يكون فيها texture مو مضبوط.. تمصميم الشخصيات الثانويه تحسه من بداية الجيل.. تكرار ب الموبات من ناحية  الاشكال والتصميم في المنطقه الوحده.. الانميشن الخاص ب الحصان كذلك تحسه من بداية الجيل. من المشاكل الي واجهتها في بداية العبه لما تزفرت للمراجعين اهوا ان فترة العصر ب العبه جدا سيئه الاضائه فيها حيل مرتفعه وما تدقر تشوف شي وغير ان الالوان يصير لها تشبع كبير يخليك تضيع على بالي المشكله من اعدادات التلفزيون عندي لكن توفر لها تحديث وحل هذي المشكله تقريبا. من الاشياء الي عجبتني كذلك هو طور المخرج كوروساوا المخرج العريق الي اخرج لنا افلام كثيره ل ساموراي منهم  seven samurai المود هذا يعطيك روح افلام الساموراي القديمه ب الابيض والاسود وكذلك الاصوات القديمه. 

الاصوات

العبه توفر لك الاصوات اليابانيه وكذلك الانجليزيه وشخصيا لعبىة العبه على الاصوات اليابانيه واشوف انها فوق الممتازه.. ولكن ما يعيب الاصوات اليابانيه ان العبه مبنيه على الانجليزي راح تلاحظ اختلاف كبير في lip sync يعني المطور لو بنا العبه انها تكون يابانيه على الاجواء العامه ب العبه كان يمكن تكون افضل.. اداء الاصوات الانلجيزي كذلك ممتاز وممكن اعيد العبه مره ثانيه على شان العبها ب الانجليزي. تلاحم السيوف اثناء القتال جدا ممتاز خصوصا في الباري. الساوند تراك بالعبه شي جدا اسطوري ومن كثر ما اهوا ممتاز شريت اللبوم الساونتراك من الانترنت لان فعلا الموسيقى التصويريه بالعبه ابداع اقل ما يقال عنها. صوت الفلوت يدخل في اماكن حساسه من المشاهد السينمائيه يضيف نكهه خاصه للمشهد بشكل جدا ممتاز