مراجعة جهاز Xbox Series X

انطلق جهاز الاكسبوكس بتاريخ ١٠/١١ في جميع مناطق العالم .. ومع الجهاز انطلق نسخه ثانيه باسم سيريس اس والي تعتبر الدجتل وكذلك فرق واضح في الواصفات .. السيرس اكس والي اهوا الجهاز الاكبر والي تصرح شركة اكسبوكس انه الجهاز الاقوى من ناحية العتاد .. وبما اني ذكرت العتاد ف الجهاز راح يكون بداخله معالج من اي ام دي زين ٢ مع عدد ٨ انويه وكل نواه بسرعه ٣.٨ وعدد رامات ١٦ قيقا ومعالج رسومات ب معمارية ار دي ان اي ٢ و ٥٦ وحدة معالج وكل وحده بسرعه ١.٨ وليصل مجموعه القوه الرسوميه ١٢ تيرا فلوب وكذلك مدعم ب هاردسك نوع اس اس دي ١ تيرا بايت .. ولكن الجهاز راح يتيح لك استخدام ٨٠٢ قيقا لتخزين الالعاب والبرامج الاخرى على الورق فعلا يعتبر ك عتاد افضل ف هل يقدر السيريس اكس ان يتغلب على جهاز المنافس البلي ستيشن ٥. في هذي المراجعه راح اتكلم عن تحربتي للجهاز من ناحية نظام التشغيل / سرعة الجهاز / المعالجات الرسوميه / يدة التحكم / وكذلك سلبيات الجهاز

نظام التشغيل

مستخدمين جهاز الاكسبوكس في الجيل السابق ما راح يلاحظون فرق كبير ب شاشة المستخدم الخاصه ب الجهاز خصوصا ان واجهة المستخدم مطابقه تماما للجيل السابق ومافي بينهم اختلاف .. الاختلاف الملحوظ هو فعلا في سرعة النظام نفسه .. كذلك امكانية ترتيب الداش بورد بالطريقه الي انت تشوفها مناسبه حقك وانشاء الملفات الخاصه فيك .. جمع الاشتراكات والالعاب الخاصه فيك مع تحديد كل لعبه من اي خدمه او اذا انت كنت شاريها جدا راح يسهل عليك الانتقال .. وكذلك ضبط الجهاز وتشغيله من اول مره عن طريق استخدام برنامج التلفون الخاص فيهم اشوفه حركه جميله وتخلي الجهاز متناسق مع التطور في منظومة الاكسبوكس .. على سبيل المثال اذا كنت تمتلك اكثر من جهاز اكسبوكس يعني سيرس اكس وال ون اكس تقدر تختار اي لعبه من الخدمه عن طريق الهاتف وتنزلها لجهاز معين فيهم. صحيح ممكن البعض ما يهتم في هذي الميزه لكن وجودها وجب الذكر عنها خصوصا انها خطوه للامام. من عيوب النظام ان خاصية البث المباشر ب الجهاز من النظام نفسه غير متواجده لكن الحل بأن انت تنزل برنامج البثوث تويتش وتبدي تبث من هذا البرنامج واذا كنت تبي تبث ب اليوتيوب ما راح تقدر والسبب ان برنامج اليوتيوب لا يدعم هذا الميزه ب الاكسبوكس

سرعة الجهاز

بعد تشغيل الجهاز اول مره وضبط الاعدادات المناسبه واستخدام خاصية الدخول السريع .. بعد ما تطفي الجهاز مجرد انك تشغل يدة التحكم الجهاز راح يشتغل خلال ثواني بسيطه .. صراحه سرعة الجهاز ذهلت منها وفعلا يعتبر قفزه عن الجيل السابق .. كذلك سرعة هذا الجهاز خذمة الميزه الجديده في الجهاز والمعروفه ب كويك رسيوم .. فكرة الميزه هذي بأن تقدر تشغل اكثر من لعبه مع اشتراط ان نظام الاكسبوكس يكون داعم للعبه بتشغيلها بااطريقه هذي لما تنتقل حق لعبه ثانيه النظام يخلي ملفات العبه القديمه ب ال اس اس ذي ك ملفات مؤقته متى ما احتجتها راح تكون جهازه حقك للاستخدام .. ممكن البعض يشوف هذي الميزه مو اساسيه ب الجهاز لكن وعلى سبيل المثال اذا كنت تنظر احد الاصدقاء او قيم اونلاين ان يبدي ممكن تكمل لعبه قصصيه انت قاعد تلعبها .. او المثال الثاني ان انت تستخدم الميزه هذي على شان تتخطى شاشات الانتظار .. كذلك في سرعة الجهاز هو التحميل الخاص ب الالعاب مثلا لعبة ذا وتشر الانتقال السريع الخاص ب العبه راح تشوفه لحظي وفعلا اصبح انتقال سريع

الرسومات

الجهاز يدعم جميع الدقات من الفول من الفول ات دي الى الفور كي .. وهذا الشي الي يميز هذا الجهاز والي قدرت تسوي اكسبوكس بدعمهم لوضوح التو كي بأنها قدرت تشغل العاب مثل ديرت ٥ على تو كي و ١٢٠ اطار .. وبنسبه للعبة اوري الجهاز قدر يشغلها على فور كي ١٢٠ فريم او ال ٦ك ٦٠ اطار مع خاصية السوبر سامبل صراحه منظر اوري مع تصوير ال ٦ك اشوفه روعه وعطى منظر ثاني للعبه .. بعد التجارب والمقارانات اشوف ان الجهازين كل واحد يقدم اداء مختلف على حسب العبه على سبيل المثال في بعض الالعاب عدد الفريمات كان مو ثابت في جهاز الاكسبوكس مثل ديفيل مي كراي والسبب يعود بأن سرعة المعالج في الاكسبوكس ثابته بينما في جهاز البلي ستيشن السرعه الاساسيه هي نفسها الي في الاكسبوكس ولكن على حسب حاجة المطور اذا كان يحتاج دفعه بسرعة المعالج عنده الامكانيه في جهاز البلي ستيشن ان يرفعها لي ٢.٢٣ … من المميزات كذلك ان جهاز الاكسبوكس يدعم دولبي فچن

يدة التحكم

يدة التحكم صار لها تطوير خفيف مثل اضافة زر خاص لتسجيل او المشاركه وكذلك التطوير على الدي باد .. بالاضافه على اضافة الاهتزاز في التريقرز صراحه اضافات بسيطه ما اشوف انها قدمت يدة جيل قادم…

سلبيات الجهاز

من سلبيات الجهاز يدة التحكم اشوفها ما قدمت يدة جيل جديد تستحق الذكر … الجهاز ما قدم واجهة مستخدم جديده .. جهاز تم اطلاقه من غير حصريه واحده تذكر .. حجم الجهاز يعتبر كبير وكذلك وزنه .